Bölmələr:
Amerikadan avtomobil sifariş etmədən öncə nələri bilməliyik?
Avtomobil almaq istəyən müştərilər ciblərinə qənaət etmək və daha yaxşı modelləri əldə etmək üçün tez-tez avtomobili ölkə xaricindən gətirmək seçimi edirlər. Birləşmiş Ştatlardan avtomobil sifarişi son dönəmlərdə olduqca məşhurlaşıb. Əgər yeni avtomobil almaq imkanınız yoxdursa, ABŞ-dan işlənmiş avtomobil sifariş etmək ən yaxşı seçim olacaq. Ümumiyyətlə, işlənmiş avtomobillərin idxalı üzrə Almaniya, Fransa və Birləşmiş Ştatlar bazarda lider mövqe tutur. Qeyd edək ki, amerikalılar mühafizəkar avropalılara nisbətən daha tez-tez maşın dəyişirlər və avtomobilin orta yaşı 3-5 il olur.
Amerikadan avtomobil sifariş etməyin üstünlükləri nələrdir?
● Birləşmiş Ştatlardan avtomobil sifariş vermək, eyni avtomobili Azərbaycandan almaqdan daha ucuz başa gəlir.
● Ştatlarda bütün növ avtomobil markalarının geniş çeşidi var və ən məşhur modellər geniş şəkildə təmsil olunur. Satışda siz həmçinin avtomobil sənayesinə aid yeni əşyalar tapa bilərsiniz.Bu bazar həm də nadir avtomobillərin məkanıdır.
● ABŞ-dan az sürülmüş avtomobil almaq ehtimalı kifayət qədər yüksəkdir. Korpusdakı ən kiçik cızıq sığorta şirkətinin avtomobili hərraca çıxarması üçün bəhanəyə çevrilir.
● Amerikalılar öz təhlükəsizlikləri ilə bağlı çox həssasdırlar və bu da avtomobillərin quraşdırma keyfiyyətinin üstün olmasına gətirib çıxarır.
Amerikadan maşın almaq prosesi necə olur?
ABŞ-da əldən-ələ maşın almaq demək olar ki mümkün deyil. Sövdələşmə onlayn hərraclar vasitəsilə həyata keçirilir. Əsas görüləcək iş etibarlı diler seçməkdir. Diler şirkəti avtomobilin alınması, çatdırılması, gömrük rəsmiləşdirilməsi, qeydiyyatı və digər bütün prosedurlarla birbaşa məşğul olur.
Gömrük rəsmiləşdirilməsi proseduru orta hesabla 7-14 gün çəkə bilər və qiyməti mühərrikin qiymətindən, növündən və həcmindən, həmçinin avtomobilin yaşından asılıdır.
Xidmətlərinə zəmanət vermək isə dilerin məsuliyyətidir.
Amerikadan avtomobil sifariş etməyin riskləri nələrdir?
Ölkə daxilində və ya digər bir ölkədən avtomobil alarkən fırıldaqçı satıcılarla rastlaşma ehtimalı olduğu kimi, Amerikadan sifariş edərkən də oxşar potensial risklər var. Əksər fırıldaqçılar müvafiq sənədlər olmadan nəqliyyat vasitələrindən istifadə edirlər. Məsələn, hər hansı bir maşın alına bilər, amma idxal edilməyə bilər. Və ya, hər hansı gizli texniki qüsuru olan avtomobillər satışa çıxarıla bilər. Bu səbəbdən, alıcılar satış prosesindən öncə həmişə avtomobilin mümkün qədər dəqiq şəklinə baxmalıdırlar.
Sonda, ABŞ-dan maşın almağa dəyərmi?
Alıcılarımızın uğurlu təcrübəsi göstərir ki, bəli! Etibarlı diler bu məsələdə həlledici halqadır. Bütün prosesi öz nüfuzuna dəyər verən və zəmanət verən peşəkarlara etibar etməyiniz məsləhətdir.
